Қазақстанда рекордтық өнім жиналды. Шаруалар мемлекет басшысына алғыс хат жолдады

ҚР Президенті Қасым-Жомарт Тоқаевтың атына Қазақстан фермерлер қауымдастығының басшылары атынан алғыс айтылған хат жолданды, деп хабарлайды ҚХА ақпаратты агенттігі.

Ауыл шаруашылығы тауарын өндірушілер мемлекет басшысына ауыл шаруашылығына бұрын-соңды болмаған қолдауы үшін шын жүректен алғыстарын білдіретіндіктерін хатта жеткізді. Соның нәтижесінде егіс алқаптарында шығымдылықтың артқанын көріп отырмыз. 

“Биыл Қазақстан 26 миллион тоннадан астам астық жинады. Орташа өнімділік шамамен он алты центнерді құраса, кейбір алқаптардан гектарына қырық-елу центнер жиналды. Бұл соңғы 10 жылдағы ең жақсы нәтиже! Бірақ сіздің үлкен қолдауыңыз бен тұрақты назарыңыз болмаса, біз мұндай нәтижелерге қол жеткізе алмас едік.Біз өнімді өңдеу мен өткізуді дамыту мәселелерінде ерекше қолдау сезінеміз. Ауылдағы өмірді жақсартуға тұрақты үлес қосып отырғаңыз үшін жеке алғыс”, - делінген хатта.

“Сіздің тапсырмаңыз бойынша айтарлықтай ұлғайтылған аграрлық секторды жеңілдікпен қаржыландыру біз үшін үлкен көмек болды. Лизингтің қолайлы жағдайларының арқасында техниканы жаңарту ауыл тұрғындары үшін әлдеқайда қолжетімді болды. Тек осы жылдың өзінде 20 мыңнан астам жаңа ауыл шаруашылығы техникасы сатып алынды. Уақытылы несие беру бізге егін және егін жинау жұмыстарына қажетті ресурстарды тез алуға мүмкіндік берді. Біз үшін жасалған барлық жағдайлар жұмысты бірнеше қадам алға жоспарлауға мүмкіндік береді. Әсіресе, ағымдағы жылдың желтоқсан айынан бастап келесі егін үшін алғашқы қаражатты ала алатынымыз қуантады. Бұл шешіміңізді еліміздің әрбір фермері қуана қабылдады”, - деді олар.

“Қазір еліміз үшін көп жұмыс істеу және халықтың жалпы әл-ауқатын арттыру үшін барынша еңбектеніп, бірге дамитын уақыт келді. Ауыл шаруашылығында 1,2 млн-ға жуық азамат жұмыс істейді, ал олардың отбасыларын ескере отырып, 4 млн-нан астам қазақстандық аграрлық салаға тікелей байланысты. Біздің жұмысымыздың нәтижелері-бұл әркімнің үстелінде нан, сүт, ет, көкөністер, жемістер және басқа да тағамдардың болуы. Қазақстандық өнімдер елімізден тыс жерлерде де жоғары бағаланады. Бірақ мемлекеттің көмегінсіз біз мұндай тиімділікке қол жеткізе алмас едік. Құрметті Қасым-Жомарт Кемелұлы, сіздің қолдауыңызды бүкіл фермерлер қауымдастығы сезінеді! Барлық қазақстандық шаруалардың атынан тағы да ауыл тұрғындарына деген көмегі үшін алғыс айтамыз. Біз өз тарапымыздан отандастарымыздың сапалы өнім алуға деген сенімі мен үмітін ақтауға және қойылған міндеттерді жоғары деңгейде іске асыруға бар күшімізді салуға дайынбыз”, - деп жазды шаруалар.

Құжатқа қол қойғандар тізімі: “Қазақстан фермерлері қауымдастығы” РҚБ басшысы Жигули Дайрабаев, Қазақстан егіншілер одағының төрағасы Виктор Асланов, Қазақстанның картоп және көкөніс өсірушілер одағының басқарма төрағасы Қайрат Бисетаев,  Қазақстан Республикасы Ауыл шаруашылығы министрлігі Қоғамдық кеңес мүшелерінің атынан төраға Геннадий Зенченко, “Әулие ата” Жамбыл облысы қызылша өсірушілер қауымдастығының басшысы Саха Манатов, “Родина Агрофирмасы” ЖШС бас директоры Иван Сауэр және басқа да шаруалар қатысты.